Pages

Again by Janet Jackson - Cover Song by Tata Villaruel

Sunday, February 19, 2006

Panaw ni Tata

Ni Vatski
BANAT 02/19/2006

Usa na usab ka "promdi" (shortcut sa from the province) ang hinay hinay na nga nagkamang paingon sa bangaw sa kabantog. Pero ayaw pag-ingon ana kay bisan og taga Ilo-ilo siya makamao usab nga mobinisaya. Atong ila-ilahon si Tata Villaruel ang first runner up sa Search for a Star in a Million.

Lumad nga taga Manduryao, Ilo-ilo, si Tata usa ka-nurse apan namasin didto sa kauluhan aron matuman ang iyang pangandoy nga mamahimong mang-aawit. Ug tuod man hayag na ang kaugmaon ni Tata, bisan pa og dili siya ang migawas nga grand winner sa bag-o pa lang natapos nga Search for a Star in Million sa ABS-CBN.

"Sa mga tawo, ako naman ang panalo," matud pa ni Tata sa dihang nahinabi sa Banat Hugyaw didto sa Ayala Business Park atol Close-up Lovapalooza 2006 niadtong nakalabay nga semana.

Di gyud ikalimod nga malipayon si Tata, gani gasige man lang kini og ngisi sa dihang gi-interview sa Cebu Press. Matud pa niya malipayon gyud kuno siya sa iyang naabtan karon hilabi na nga paborito gyud siya sa mga tawo. Tinuod gyud kay sa dihang niguwa na siya, pwerteng naka abiba sa mga tawo.

Balik tan-aw sa final's night sa SIAM giangkon ni Tata nga nahadlok gyud siya kay matud pa niya dili kondisyon iyang tingog tungod sa walay hunong nga guesting ug practice sa dihang nagsingabot pa ang grand event. "Nung nabunot ko 'yong "Somewhere" ipinapasa-Dios ko nalang 'yon. Sabi ko Lord, this song is for you," saysay pa ni Tata.

Sa nasayran na usa ka registrado nga nurse si Tata diin human niya nahuman ang iyang pagtuon niadtong 2004 nakapasar dayon siya sa board exam, hinungdan nga nakasulod dayun siya og trabaho sa usa ka hospital didto sa ilang dapit.

Apan kaniadto pa nagbaton na gayud siya og talento sa pag-awit ug mahiligon na siya nga mokanta kon dunay mga okasyon. "Nung bata pa ako mas more time ang pag-practice ng singing kaysa sa study," nagngising miangkon niini si Tata. Gani siya may kanunay mo-represent sa iyang tunghaan sa mga indigay sa awit sa lain-laing dapit sa Ilo-ilo.

Matud pa niya kaniadto pa unta siya moapil sa SIAM apan gisiguro una niya iyang pag-eskwela. Busa dihang nahibaw-an niya nga nagsugod na ang audition sa SIAM niadtong niaging tuig wala na siyay pagduha duha pa hinonoa dali siyang ni-resign sa iyang trabaho sa ospital. Kuyog ang iyang mommy gisugdan ni Tata ang pagpanimpad didto sa kauluhan aron pagkab-ot sa dugay na niyang gipangandoy.

"May calling ako dito kaya nag-resign agad ako," ingon ni Tata, nga miangkon nga nagpabaga gyud siya sa iyang nawong pagpangayo og suporta gikan sa iyang ate nga nagbase na sa Abu Dhabi.

Matud pa niya dako ang iyang adjustment nga gihimo didto sa kauluhan gawas pa nga pa conservative ang iyang pamilya diin sa dihang didto palang siya sa ilang probinsya halos wala na siya'y night life.

Problema pud niya ang treatment unya sa mga tawo. Apan sa dihang nasulod na siya sa top 3 sa SIAM naibanan na ang iyang kahadlok.

Mibutyag si Tata nga mas suod siya kang Jimmy sanglit pareho man silang promdi. Mas pirmi silang magkuyog og panuroy gani naa-an naman siyang girlfriend ni Jimmy nga iya lang gikahimuot.

Miangkon si Tata nga wala siyay boyfriend rong mga panahona apan anaay daghan nga nag-ibid-ibid niya. Matud pa niya trabaho usa kay busy pa ang schedule para sa love affairs. Kasagaran sa mga naninguha karon niya mao usab ang iyang naibgan sa una. "Bakit ngayon lang kayo lumabas," komedya pa ni Tata patumong ngadto sa iyang mga suitors.

Lima ka tuig gikan karon gusto ni Tata nga mopadayun sa iyang pagka-nurse apan adto na sa gawas sa nasud manimpad. Apan matag karon ug unya gusto gihapon niyang mokanta bisan para sa iyang pasyente.

"Dapat kahit anong gagawin mo may passion ka," matud pa niya kabahin sa iyang propesyon ug hilig sa pagkanta.

Si Tata ang ika-upat sa lima ka managsuon. Singer usab ang iyang inahan samtang iyang amahan bag-o lang mibalik sa gawas sa nasud isip usa ka seaman.

Matud pa ni Tata gusto unta niya nga dili na mo-abroad ang iyang amahan apan kay lagi bag-o palang siya sa showbusiness wala pa siyay klarong income. Sanglit winner takes all man ang SIAM ang tibuok prize money tua kang Kris.

"I'd rather na samahan ko sila sa hirap kaysa magkalayo kami sa isa't-isa." "Kahit di ako nanalo pero nakatulong pa rin ako somehow," padayon pa ni Tata.

Si Tata andam pud mosuway og acting apan matud pa niya magkat-on una siya og Tagalog kay maglisud pa siya, gani sa atong pakighinabi niya kargado man siya sa bisaya ug eninglis.

Lig-on ug determinado busa dili halayo nga sa pag-abot sa tukmang panahon makab-ot ra gayud unya ni Tata ang iyang damgo nga makabaton og record album.

1 comment:

  1. looks familiar. hmmm....

    ei, tata (or whoever owns/manages this blog) i also have an article set to come out in The Freeman (Banat News' sister) soon...although the content is practically the same as this one.

    ReplyDelete

Hello, thanks for visiting my page. ^_^